Policia e Tiranës në bashkëpunim me forcat “Shqiponja”, ka finalizuar operacionin “Klientët”, ku janë arrestuar 7 persona dhe është proceduar një tjetër. Po ashtu është shpallur në kërkim edhe pronari i ndërtesës.
Të arrestuarit janë me inicialet M. S, 39 vjeç, menaxheri i lokalit, D. C, 24 vjeç, M. B, 25 vjeç, E. Xh, 23 vjeç, L. K, 20 vjeç, banakier të lokalit. G. M, 28 vjeç, klient i lokalit, pasi gjatë kontrollit fizik iu gjet një sasi me lëndë narkotike kokainë dhe B. H, 30 vjeç, klient i lokalit i cili nuk ka zbatuar edhe urdhrin e policisë.
Gjithashtu u procedua në gjendje të lirë një 32-vjeçar për veprën penale “moskallëzim i krimit”, staf i lokalit, si dhe u shpallën në kërkim dy persona të tjerë.
Pronari kishte përshtatur lokalin e tij në rrugën “Gjin Bue Shpata”, si ambient për përdorim dhe shitje të lëndëve narkotike, të cilin e mbante hapur dhe në kundërshtim me orën policore, shpallet në kërkim pronari. Gjatë operacionit u sekuestruan doza me lëndë narkotike kokainë dhe pajisjet muzikore.
Nga veprimet hetimore ka rezultuar se lokali në menaxhimin i personit M. S, punonte 3 ditë të javës në kundërshtim të aktit normativ, pas orës së lejuar policore si dhe në bashkëpunim dhe me stafin e këtij lokali kryenin aktivitetin e kundërligjshëm të përdorimit dhe shitjes së lëndëve narkotike.
