Një ngjarje e rëndë ka ndodhur paraditen e sotme në Tiranë. Policia njofton se një 29-vjeçar ka plagosur me thikë dy vëllezërit e tij të moshës 27 dhe 20 vjeç. Efektivët kanë shkuar menjëherë në vendngjarje dhe kanë shoqëruar të riun. Ndërsa dy vëllezërit e tij ndodhen në spital, nën kujdesin e mjekëve dhe jashtë rrezikut për jetën.
Elis Miftari, 29 vjeç, është arrestuar, ndërsa të plagosurit janë Zenel Miftari, 27 vjeç, dhe Alfons Miftari, 20 vjeç.
Dy të plagosurit ndodhen në spital, jashtë rrezikut për jetën. Materialet procedurale janë referuar Prokurorisë për veprime të mëtejshme.
“Rreth orës 11:00, në rrugën e Paskuqanit, dyshohet se pas një konflikti të çastit, për motive të dobëta, shtetasi E. M., 29 vjeç, ka plagosur me mjet prerës (thikë), vëllëzërit e tij shtetasit Z. M., 27 vjeç dhe A. M., 20 vjeç.“, njofton policia.
“Rreth orës 11:00, në rrugën e Paskuqanit, dyshohet se pas një konflikti të çastit, për motive të dobëta, shtetasi E. M., 29 vjeç, ka plagosur me mjet prerës (thikë), vëllezërit e tij shtetasit Z. M., 27 vjeç dhe A. M., 20 vjeç. Pas marrjes së njoftimit, shërbimet e Komisariatit të Policisë Nr. 5, kanë shkuar menjëherë në vendngjarje ku si rezultat i veprimeve të shpejta kanë bërë të mundur identifikimin dhe kapjen e autorit të dyshuar, shtetasit E. M., dhe shoqërimin e tij, në Komisariat, për veprime të mëtejshme procedurale. 2 shtetasit e dëmtuar ndodhen në spital, në kujdesin e mjekëve, jashtë rrezikut për jetën”, njofton policia.
Materialet procedurale do t’i kalojnë Prokurorisë, për veprime të mëtejshme.
Discussion about this post