Pas Kvicha Kvaratskhelias, i cili po shkëlqen me Napolin, talentet e tjera të futbollit gjeorgjian kanë përfunduar në vëmendjen e klubeve europiane.
Një ndër ta është edhe Zuriko Davitashvili, sulmuesi anësor, për të cilin klubi francez i Bordeaux ka paguar klauzolën për ta transferuar plotësisht në Francë.
Gjeorgjiani ishte pjesë e Bordeaux në huazim me të drejtë blerjeje dhe bëri një paraqitje mjaft të mirë, duke shënuar 7 gola dhe dhënë tre asistime, aq sa mjaftuan që klubi francez të paguajë kartonin e tij te Dinamo Batumi.
Këta të fundit do të përballen në turin e parë eliminator të Conference Leagues me Tiranën, me ndeshjen e parë që do të luhet në kryeqytetin tonë më 13 korrik dhe të kthimit një javë më vonë në Gjeorgji./SSA
Discussion about this post