Studentët e mjekësisë protestuan sot para Parlamentit kundër nismës së Qeverisë që i detyron ata të nënshkruajnë një marrëveshje, sipas të cilës duhet të punojnë 5 vjet pasi të diplomohen dhe pastaj mund të largohen nga vendi.
E ndërsa studentët protestonin, në sallën e Kuvendit debatohej mbi draftin e Qeverisë, ku opozita ka mbështetur kërkesat e studentëve.
Në momentet që protesta nisi të shpërndahej, deputetët socialistë filluan të largohen Parlamenti, duke shfrytëzuar hyrjen anësore, pra për të shmangur një përballje të mundshme me studentët e mjekësisë.
Por një prej studentëve i ka pritur ligjvënësit socialist pikërisht nga dalja anash pedonales duke iu drejtuar “tani po dilni turp t’iu vijë, turp. Keni fëmijë ju?”.
Studenti i provokua nga deputeti sopcialist Ilir Metaj, i cili në përballjen me të ka ngritur dy gishtat.
“Po hiqi mo gishtat se s’më ha as për gishta mua as për njeri tjetër s’më plas. Ty të të vijë turp, s’më tregon dot mua mëso se ti me kolegët e tu këtu, vidhni sa vidhni dhe na hiqni të ardhmen ne. Dhe mos më qesh mua se ke dalë deputet me votat tona”, iu drejtua student, deputetit.
Discussion about this post