Një tjetër aksident ka ndodhur në Rrugën e Arbrit. Mësohet se një fadromë e kompanisë “Gjoka Construction” doli nga rruga, duke përfunduar mbi një baxho të përpunimit të qumështit. Ngjarja u shënua në fshatin Bastar- Murrize. Për pasojë ka mbetur i plagosur drejtuesi i mjetit si dhe janë shkaktuar dëme të shumta materiale.
Kujtojmë se kjo është hera e dytë që brenda tre ditëve dy mjete të tilla të kompanisë dalin nga rruga. Dy ditë më parë një mjet i tillë përfundoi në greminë në fshatin Murrize të Xibrit pak metra larg hyrjes së tunelit të madh të rrugës së Arbrit. Drejtuesi i mjetit mbeti i dëmtuar ndërsa u hodh prej tij.
Kompania në fjalë ka nisur riparimin e disa defekteve në rrugë ndaj mjetet po punojnë jashtë saj.
Discussion about this post