Aksidentet me autobusë në Tiranë po bëhen edhe më të shpeshta. Edhe pse policia ka nisur kontrolle duke kapur drejtues që kanë konsumuar alkool është sërish mjeti i kompanisë “Go Green” që shënon ngjarjen e radhës në rrugët e kryeqytetit.
Në një video të publikuar nga “JOQ” duket autobusi i kësaj linje i përfshirë në aksident.
Ngjarja mësohet se ka ndodhur këtë të martë në zonën e Astirit, por fatmirësisht jo i përmasave si i datës 27 shkurt kur autobusi i së njëjtës linjë përplasi mbi 10 makina dhe u dëmtuan 3 persona.
Sipas qytetarëve që kanë dërguar pamjet pranë redaksisë së “JOQ”, autobusi e kreu manovrën e futjes në rreth rrotullim me shpejtësi dhe u aksidentua me një automjet tjetër.
“Mallkimi i Veliajt”/ Aksidentohet një tjetër autobus jeshil “Green Line” në Tiranë pic.twitter.com/ROrkzTadKm
— JOQ Albania (@JoqAlbania) March 21, 2023
Ende nuk ka të dhëna mbi ngjarjen e sotme, por rastet e përsëritura kanë ngritur dyshime edhe te ekspertët për gjendjen e mjeteve të transportit publik.
Edhe vitin e shkuar autobusi i së njëjtës linjë përplasi një mjet duke kaluar madje edhe mbi lumin Lanë, përballë Gjykatës së Tiranës.Fatmirësisht edhe në atë nuk pati të lënduar rëndë.
Gjithsesi në dy rastet më të rënda përgjegjës janë bërë drejtuesit e autobusëve, teksa nuk dihet si do veprohet me verifikimin e “Go Green”.
Është Bashkia e Tiranë që duhet të marrë masat, së paku për të garantuar udhëtarët, por dhe për të shmangur tragjedi të mundshme nisur nga fakti se mjetet e kësaj kompanie janë kthyer në të papërmbajtshme sa i përket mënyrës që ato frenojnë: ose në Lanë, ose mbi makinat e tjera.
Discussion about this post