Një tjetër emër i shtohet listës së gjatë të të dëmtuarve në radhët e Tottenhamit. Këtë të mërkurë londinez konfirmoi se emri më i fundit në raportin klinik është ai i mbrojtësit Cristián Romero.
Argjentinasi pësoi një dëmtim në kofshën e majtë dhe do të mungojë për katër deri në pesë javë. Njoftimi është bërë nga trajneri i Tottenham, Ange Postecoglou.
“Romero nuk është mirë. Kreu ekzaminimet mjekësore dhe do të jetë jashtë për katër deri në pesë javë. Ka disa futbollistë me dhimbje, por ditët e fundit kemi pasur një javë më të lehtë stërvitjeje, të gjithë janë mirë tani”, tha trajneri i londinezëve.
Discussion about this post