Shtetet e Bashkuara të Amerikës vazhdojnë të godasin ekonominë ruse me sanksione. Ditën e sotme Banka për Shlyerjet Ndërkombëtare në mënyrë efektive shërben si banka qendrore e bankave që ka pezulluar atë të Rusisë pas pushtimit të Ukrainës.
“Banka për Shlyerjet Ndërkombëtare po ndjek sanksionet ndërkombëtare kundër Bankës Qendrore të Rusisë, sipas rastit, dhe nuk do të jetë një rrugë për të anashkaluar sanksionet”, bëri me dije një zëdhënës i BIS për CNN ditën e sotme në një deklaratë.
“Qasja e Bankës Qendrore të Rusisë në të gjitha shërbimet, takimet dhe aktivitetet e tjera të BIS është pezulluar.”
Pezullimi vjen pasi fuqitë perëndimore, të udhëhequra nga Shtetet e Bashkuara dhe Bashkimi Evropian, vendosën sanksione ndëshkuese ndaj Rusisë dhe bankës së saj qendrore.
E themeluar në vitin 1930, BIS është në pronësi të 63 bankave qendrore, duke përfshirë Rezervën Federale të SHBA dhe Bankën Qendrore Evropiane. BIS raporton në faqen e saj të internetit se misioni i saj është të mbështesë politikën monetare të bankës qendrore dhe stabilitetin financiar përmes bashkëpunimit ndërkombëtar dhe të “veprojë si një bankë për bankat qendrore”.
Discussion about this post