Kreu i grupit parlamentar të PD, Gazmend Bardhi, është paditur sërish në Gjykatën e Posaçme kundër Korrupsionit dhe Krimit të Organizuar për “shpifje” dhe “fyerje”.
Deputeti demokrat është paditur nga Shoqëria Korporata Elektroenergjitike Shqiptare (KESH)
Shorti ka përcaktuar për shqyrtimin e çështjes gjytaren Etleva Deda, ndërkohë që pritet të përcaktohen edhe datat për seancat gjyqësore.
Ndërkohë më herët Gjykata e Posaçme ka shpallur të pafajshëm Bardhin, i kallëzuar për “shpifje të kryer botërisht”.
Bardhi u padit për shpifje nga OSHEE në lidhje me një deklaratë të bërë më datë 18 tetor të vitit të kaluar ku thuhej se OSHEE, ka manipuluar përqindje e humbjes se energjisë elektrike në rrjet.
Për këtë deklaratë, kreu i grupit të PD bëri edhe kallëzim penal në SPAK me dyshimin për shpërdorim detyrë.
Në GJKKO, Bardhi është kallëzuar për të njëjtat akuza nga ish-drejtori i Policisë së Shkodrës, Edmond Sulaj, proces i cili vijon.
Discussion about this post