Aktori i humorit, Donald Veshaj ka njoftuar fansat se do të publikojë ditën e sotme këngën e tij më të re. Teksti i këngës, dhe shkrimi me të cilin ka shoqëruar postimin, janë komentuar shumë nga ndjekësit.
“Ok, unë duhet të bëja diçka. Me shumë dashuri nesër ora 18:00 premierë në YouTube.”, shkruan aktori bashkëngjitur me videon. Nga ana tjetër në fragmentin e këngës që ai ka postuar, Donaldi dëgjohet të thotë: “Unë e di që jam idiot, ama jam idioti jot”
Ka mjaftuar ky fragment që ndjekësit të nisin të dyshojnë se kënga mund të jetë një dedikim për njërën nga ish të dashurat e tij.
Ndjekësit në rrjetet sociale kanë vënë në dukje bisedën mes Donaldit dhe Semi Jaupajt ndërsa ishin ende në “Big Brother Vip”. Donaldi i thotë këngëtares se frazën “a jam idiot, a jam idiot i joti” dëshironte ta vendoste në tekstin e këngës “TL”.
BISEDA:
Donaldi: Ka njerëz që shprehen ka njerëz që nuk shprehen. Unë jam njeri që nuk shprehem. Isha midis kësaj tjetrës dhe më thuaj ‘a jam idiot a jam idiot i joti’, dhe vendosëm këtë tjetrën: ‘dhe un thyhem sa herë shkon ti por nuk ta shpreh’”- duke iu referuar këngës “TL”.
Semi: Edhe ajo ishte e bukur, po pse s’e vure?
Donaldi: Po ta kemi për ndonjë gjë tjetër…
Discussion about this post