Kastrioti njeh vetëm largime deri më tani. Krutanët kanë njoftuar se dhe Silvester Shkalla nuk do të vijojë karrierën me ta, pas përfundimit të kontratës.
“KS Kastrioti komunikon përfundimin e kontratës me futbollistin Silvester Shkalla. Qendërmbrojtësi u bë pjesë e Kastriotit në verën e shkuar, ndërsa me përfundimin e sezonit i përfundoi edhe kontrata.
Pas një takimi që lojtari pati me drejtuesit, të dy palët e panë të arsyeshme të mos e vazhdojnë më bashkëpunimin.
KS Kastrioti e falënderon Shkallën, për kontributin e dhënë në fanellën e Kastriotit, dhe i uron suksese për të ardhmen”, shkruhet në njoftimin e Kastriotit.
Kështu Shkalla del lojtar i lirë dhe pret oferta nga klubet e tjera të Superiores. Në të shkuarën mbrojtësi ka qenë pjesë e Dinamos, Teutës dhe Bylisit.
