Tjetër ndëshkim për Putin, pezullohet nga federata e xhudos

Vladimir Putin po ndëshkohet nga të katër anët e botës pas vendimit që e mori për ta sulmuar ushtarakisht Ukrainën.

Goditjen e fundit, presidenti rus e mori sot nga Federata Ndërkombëtare e Xhudos (IJF), e cila  i ka hequr Vladimir Putin titullin si president nderi dhe ambasador i xhudos, si ndëshkim për ofensivën ushtarake ruse në Ukrainë.

“Putin është rrip i zi i xhudos”, shkruan BBC.

IJF ka dalë sot me një njoftim zyrtar, përmes së cilit njofton se “si rezultat i konfliktit në Ukrainë, Federata Ndërkombëtare e Xhudos vendos ta suspendojë Vladimir Putinin nga statusi i Presidentit të Nderit dhe të Ambasadorit të Federatës Ndërkombëtare të Xhudos”.

Vendimi vjen si pjesë e sanksioneve sportive që janë marrë kundër Putin për sulmet në Ukrainë.