Prokuroria e Posaçme SPAK ka kërkuar 4 vite burg për ish-kryebashkiakun e Lezhës, Fran Frrokaj, i akuzuar për tjetërsim pronash, në kohën kur ka qenë kryetar bashkie.
Frrokaj po gjykohet me gjykim të shkurtuar, dhe për këtë shkak ai përfiton ulje me 1/3 e dënimit.
Ish-kryebashkiaku i Lezhës, Fran Frrokaj akuzohet për shpërdorim detyre për shkak të tjetërsimit të pronave te ”Rana e Hedhun” në Shëngjin.
Po ashtu me 4 vite burg është dënuar edhe ish-kryetari i qarkut Gjok Ndoka, ndërsa me 2 vite është dënuar ish-drejtori i Hipotekës, Artan Daja.
Frrokaj u arrestua në 2018, ndërsa më pas u la në arrest shtëpie. Më 2015, Frrokaj fitoi zgjedhjet lokale në Lezhë pasi mposhti Viktor Tushën e LSI.
Katër vite më pas, ai nuk u fut në zgjedhje, pasi Partia Demokratike bojkotoi 30 qershorin e 2019.
Discussion about this post