Një 33-vjeçare është qëlluar me thikë në Gjermani. E reja është qëlluar 7 herë nga një burrë në momentin që po hipte në autobus së bashku me fëmijët e saj. Nëna u plagos rëndë në sy të vajzave të saj të vogla, nëntë dhe shtatë vjeçare.
Personi i dyshuar u arrestua në mesnatën e djeshme në Luxemburger Strasse në lagjen Wedding të Berlinit. Fillimisht, policia besonte se gruaja ishte viktimë aksidentale e agresorit. Madje, dy vajzat e saj kishin deklaruar para autoriteteve se nuk e kishin parë kurrë burrin mjekër që goditi nënën e tyre me tërbim.
Mirëpo, siç shkruan gazeta “Bild”, policia ka informacione se sulmuesi e njeh viktimën.
Megjithatë, deri më tani nuk është sqaruar “statusi” i lidhjes së tyre: nëse ka qenë miqësore apo romantike. 33-vjeçarja iu nënshtrua një operacioni dhjetë orësh. Tashmë ndodhet shtruar në reanimacion, është nën mbrojtjen e policisë, por i ka shpëtuar rrezikut, siç komenton gazeta gjermane.
Discussion about this post