Ka përfunduar në mënyrë tragjike jeta e një gruaje shqiptare në Greqi, e cila vdiq në vendin e saj të punës. Ngjarja ndodhi dje në Mesolongji.
Mediat greke raportojnë se gruaja punonte në një dyqan mishi ku kryente punë, kryesisht pastrimi, me makineri që prisnin mishin.
Gruaja nga Shqipëria, e moshës rreth 50-vjeçare, siç bëjnë të ditur informacionet e para, ka shkuar për të pastruar një makineri që pret mishin dhe i janë kapur flokët, duke përfundur e vrarë.
Mësohet se tragjedia ka ndodhur përballë vajzës së viktimës, e cila ka nisur të bërtasë. Nënë e bijë thuhet se punonin së bashku duke pastruar dyqane.
Policia dhe Zjarrfikësja shkuan në vendngjarje për nxjerrjen e gruas shqiptare.
Gruaja jetonte në Mesolongji me dy fëmijët e saj, vajzën dhe djalin 10-vjeçar, dy vitet e fundit, kur erdhi nga Shqipëria, pas ndarjes me bashkëshortin.
“Ishte një vajzë shumë e mirë, punonte nga mëngjesi në darkë së bashku me të bijën duke pastruar dyqanet, për të bërë bukën e gojës”, tregon për Protothema.gr një person që e njihte dhe jetonte në të njëjtën lagje.
Discussion about this post