Një ngjarje e rëndë është shënuar paraditen e sotme në Fier. Një 61-vjeçar dyshohet se ka vrarë me thikë nusen e djalit 30- vjeçe dhe më pas është vetëvrarë.
Policia jep detaje se ngjarja e rëndë ka ndodhur rreth orës 12:30, në fshatin Vidhishtë, Roskovec.
Personi i identifikuar me iniciale Xh. H., 61 vjeç, dyshohet se në banesë ka vrarë me thikë bashkëjetuesen e djalit, M. H., 30 vjeçe dhe më pas ka varur veten në një pemë pas banesës.
Nuk dihen ende motivet e kësaj ngjarjeje të rëndë, por burimet paraprake për gijotina.com bëjnë me dije se viktimat nuk kishin marrdhënie të mira në familje.
Grupi hetimor ndodhet në vendngjarje dhe po punon për zbardhjen e rrethanave.
Pritet të merren në pyetje familjarët, për të zbardhur detaje të tjera.
Discussion about this post