Sot në orën 21:00 Paris Saint-Germain do të presë në ‘Parc de Princes’ ekipin e Lilles me të cilin do të përballet për raundin e 12 të Ligue 1.
Në këtë sfidë vendasit vijnë në një gjendje shumë të rëndë me dëmtime të shumta që do duhet t’ia ndryshojnë shumë formacionin trajnerit Mauricio Pochettino.
Plot shtatë lojtarë nuk mund të marrin pjesë në këtë përballje, me Ramos që ende nuk është rikuperuar që të bëjë debutimin me ekipin francez që nga transferimi i tij aty në verë.
Hakimi do të duhet të qëndrojë jashtë për shkak të kartonit të kuq që ka marrë në sfidën Marseille, teksa Paredes, Rico, Verratti dhe Messi do të jenë po ashtu jashtë fushës së blertë për shkak të dëmtimeve.
Ndërsa i fundit që u konfirmua se nuk do të luajë në këtë sfidë është Kylian Mbappe, për të cilin u njoftua ditën e djeshme që ka probleme shëndetësore.
Tekniku Pochettino do duhet në këtë mënyrë t’ia besojë sulmin treshes Neymar-Icardi-Di Maria./K.T/Gijotina.com
