Në Romë, mëngjesin e sotëm u gjet trupi i një vajze 17-vjeçare në një karrocë blerjesh pranë koshit të plehrave në Primavalle, Autori një bashkëmoshatar i viktimës, Maria Michelle Causo, u arrestua nga policia gjyqësore.
17-vjeçari, me origjinë nga Sri Lanka, por i lindur në Romë, u mor në pyetje për shumë orë në komisariat. Ai akuzohet për vrasje. E mitura u godit me thikë nga 17-vjeçari, i cili më pas tentoi të asgjësonte trupin.
Një dëshmitar raportoi se kishte parë 17-vjeçarin të dilte nga një ndërtesë me karrocën duke pikuar gjak.
Kur oficerët e policisë, sapo mbërritën në vendngjarje, gjetën disa njolla gjaku që të çonin nga një derë e një ndërtese në një kosh mbeturinash në via Stefano Borgia, një rrugë që ndodhet në veriperëndim të Romës.
I riu ka tentuar të hidhte trupin e viktimës në koshin e plehrave, por pa sukses. Prandaj, trupi do të kishte mbetur në karrocën pranë murit kufitar të një parku, jo shumë larg koshave. Policia ka marrë pamjet nga kamerat e zonës.
Vrasja daton disa orë më parë, por nuk përjashtohet që edhe e mitura të ketë qenë e vdekur prej disa ditësh. Autopsia do ta përcaktojë.
Maria Michelle Causo ndoqi shkollën e mesme psiko-pedagogjike Vittorio Gassman, e cila ndodhet pak larg nga vendi ku u gjet kufoma.
Discussion about this post