Ditën e djeshme një 38-vjeçar shqiptar ka terrorizuar Vatikanin. Mësohet se Erjol Nako, teksa policët e Borgosa e bllokuan në San Pietro, ka terrorizuar kalimtarët dhe turistët.
Gjatë shëtitjes me makinë, mëngjesin e së dielës, Erjol Nako kishte hedhur edhe portofolin dhe celularin nga dritarja, të ciilët i ka marrë policia për t’i hetuar.
Së fundmi është parë që në profilin e Facebook-ut ai ka si imazh Shën Mihail Kryeengjëllit dhe mbishkrimi në latinisht: “Amor vincit omnia”( dashuria triumfon gjithmonë).
Sipas La Repubblica, Shën Mihail Kryeengjëlli sipas liturgjisë së krishterë është engjëlli që i zbuloi Apokalipsin Shën Gjonit. Që nga viti 1949, San Michele ka qenë shenjt mbrojtës i Policisë, i shpallur nga Papa Piu XII.
Historia e dëshmitarit
“Frikë? Shumë. Goditja ndodhi teksa isha jashtë me klientët. Instinktivisht u hodha në tokë, pastaj ngrita sytë dhe pashë atë karrocën me një vajzë të vogël brenda. Menjëherë e futa brenda. Të gjithë klientëve të tjerë u bërtita “Hyni, hyni” dhe mbylla qepenin. Ushtarët vendosën barrierat në rrugë, por ajo makinë fillimisht ndaloi dhe më pas i futi marshin, pastaj karabinieri i q çpoi një gomë”- thotë Marco La Cava, kamarieri i Savelli.
Po ashtu është mësuar se Erjol Nako, 38 vjeç, është një shqiptar i dënuar për trafik droge dhe keqtrajtim të ish-bashkëshortes. Ai kishte detyruar bllokadën e karabinierëve tashmë në Corso Vittorio Emanuele II dhe atë të policisë lokale pranë Panteonit ku turistët kishin sinjalizuar makinën me shpejtësi në Piazza della Rotonda që në mëngjes herët. Mjekët konfirmuan se ai kishte konsumuar alkool dhe drogë.
Udhëtimi i tij nuk u ndal në San Pietro, ai vazhdoi përmes Gregorio VII, duke rrezikuar edhe qytetarët të cilëve iu shmang duke marrë rrugën në krah të kundërt. Për pak është ngjitur në një trotuar dhe ka përplasur dy makina karabinierësh, duke i hequr targat. Ai përshkoi më shumë se një kilometër, duke goditur katër makina të tjera policie. Një tjetër gomë shpërtheu por ai nuk u ndal. Vetëm me protokollin e antiterrorizmit u bë e mundur bllokimi i tij.
Discussion about this post