Toka në “pushtetin” e flakëve, evakuohen mbi 6 mijë banorë nga shtëpitë e tyre

Zjarrfikësit në rajonin Gironde të Francës jugperëndimore po luftojnë me një zjarr që shkatërroi shtëpitë dhe detyroi evakuimin e tyre.

Autoritetet e Girondës thanë se të paktën 6,000 banorë u evakuuan dhe më shumë kishte të ngjarë të largoheshin me forcë nga shtëpitë e tyre pasi zjarri shkatërroi më shumë se 6,000 hektarë tokë.

Zjarri i furishëm po përhapej drejt autostradës A63, një arterie kryesore që lidh qytetin jugperëndimor të Bordeaux me Spanjën, duke detyruar mbylljen e rrugës midis Bordo dhe Bayonne.

Ministri i Brendshëm francez Gerald Darmanin tha se më shumë se 1000 zjarrfikës, nëntë avionë dhe dy helikopterë janë mobilizuar.

Rajoni, i njohur për pyjet e tij me pisha, u godit muajin e kaluar nga zjarre të mëdha që shkatërruan më shumë se 20,000 hektarë pyje dhe detyruan evakuimin e afro 40,000 njerëzve.

Franca ka luftuar me disa zjarre, mes valëve të të nxehtit këtë verë, duke kaluar thatësirën më të keqe të regjistruar ndonjëherë.