Toka nuk gjen qetësi nga lëkundjet, ja ku ishte epiqendra

Një tërmet i fortë ka lëkundur Greqinë pak minuta më parë.

Një lëkundje sizmike me magnitudë 4.2 ballë të shkallës Rihter ka tronditur mbrëmjen e sotme në ishullin juglindor të Greqisë, Kos.

Sipas Institutit Gjeodinamik, tërmeti ka ndodhur 39 kilometra në jug, në jugperëndim të Kos, ndërsa ka pasur një thellësi prej 113 kilometrash.

Toka greke është “zgjuar” nën lëkundje edhe mëngjesin e së dielës. Tërmeti ishte me magnitudë 3.9 Rihter dhe është shënuar në ishullin e Kretës.

Mediat greke raportojnë se epiqendra ishte 44 kilometra në jug të Kassos dhe thellësia ishte 11.9 kilometra.

Kujtojmë që Greqia ka qenë vazhdimisht e prekur nga tërmetet. Dhe ditën e djeshme një tërmet me magnitudë 4 ballë i shkallës rihter ka rënë në brigjet e ishullit Santorinini, duke ngjallur panik te banorët.

Santorini është një ndër ishujt grekë me një numër të madh shqiptarësh që janë punonjës sezonalë, por për fatin e mirë asnjë nuk është lënduar.