Demë Shehu, anëtari i grupit “Kumanova” , është duke vuajtur dënimin e përjetshëm në një burg të Maqedonisë së Veriut. Ai ka publikuar foto nga jeta e burgut, ndërsa tregon të mbjellat e tij në ambientet e institucionit të vuajtjes së dënimit.
Përmes një postimi në rrjetet sociale, Shehu u shpreh se toka shqiptare është e bekuar dhe se këtë e tregon fakti që mbijnë të gjitha llojet e perimeve.
“Se kjo tokë është Shqiptare dhe e bekuar nga i lumi Zot, e tregon fakti se këtu mbinë të gjitha llojet e perimeve. Kjo tokë e bekuar shqiptare, e ka ngjashmërinë me fushat e Myzeqesë! Kudo që të jemi, kurrë nuk do të rreshtim së mbjelluri farat e çlirimit të tokave tona Ilire-Arbërore-Shqiptare!”.
Për ngjarjet e 9-10 majit 2015 në Kumanovë janë dënuar 37 persona me gjithsej 746 vjet burg.
7 janë dënuar me burgim të përjetshëm, 13 me nga 40 vjet burg ndërsa 6 me nga 20 vjet burg. 4 persona u liruan si të pafajshëm ndërsa të tjetër kanë dënime nga 12 në 18 vjet burg.
Grupi ka deklaruar se vendosja e tij në Kumanovë ishte bërë për shkak të shkeljes së të drejtave të shqiptarëve në Maqedoni.
Discussion about this post