Deputetja e Partisë Demokratike, Jorida Tabaku ka renditur disa nga problematikat që po përballen fermerët aktualisht në vend. Përmes një postimi në Facebook Tabaku shkruan se bujqësia vuan jo vetëm pasojat e luftës por edhe rritjen e inputeve bujqësore në 3 vitet e fundit, teknologjinë e vjetëruar e probleme të tjera që i bëjnë fermerët të shesin produktet nën kosto.
Ndërsa ka theksuar se kanë humbur fuqinë e punëtorëve për t’u kujdesur për tokat, pasi edhe të rinjtë po largohen jo vetëm nga fshati por edhe Shqipëria.
“Janë bërë xhufkë juristët! Bujqësia sot po vuan jo vetëm nga lufta por mbi të gjitha nga arroganca edhe mungesa e vizionit! Rritja e çmimit të karburantit, rritja e çmimit të inputeve bujqësore (fertilizuesit) në 3 vitet e fundit, ndryshimet e skemës dhe rritja e taksave, teknologjia e vjetëruar, madhësia e fermës dhe fragmentarizimi i tokës. Të gjitha problematika që po dëmtojnë bujqësinë nga viti në vit dhe kanë kthyer mollët e Devollit të shiten në 30 lekë/kg pra nën kosto! Të rinj që kanë braktisur fshatin dhe me nxitim po lënë Shqipërinë ndërsa tokën nuk ka kush ta punojë. “Janë bërë xhufkë juristët” më tha sot një fermer teksa më përshkruante Ministrinë e Bujqësisë! Duhet ndërtuar Evropa këtu! Nuk mund të ketë integrim pa një bujqësi të zhvilluar!”, shkruan Tabaku.
Discussion about this post