Peshëngritësi shqiptar, Briken Calja nuk ka mundur të fitonte një medalje në ‘Tokio 2020’ për vetëm 1 kologram.
Megjithatë ai ka arritur të kapë një rezultat historik për Shqipërinë, pasi mbylli dygarëshin me 341 kg. Calja është renditur i katërti në renditje e përgjithshme, duke mbetur kështu jashtë zonës së medaljeve.
Rezultati i Briken Caljes ishte I pari në historinë e Shqipërisë sepse asnjëherë më parë nuk ka patur një rezultat të tillë në Olimpiada nga sportistë shqiptar.
Çalja vendosi shtangën në peshën 151 kg, por nuk arriti ta realizonte me sukses në provën e parë në stilin e shkëputjes.
Megjithatë në provën e dytë ai provoi të ngrinte shtangen me të njëjtën peshë dhe ia doli ta realizonte me sukses.
Shqiptari vendosi në provën e tretë në shkëputje peshën 155 kg por nuk e realizoi, duke e mbyllur këtë stil me peshën 151 kg të realizuar.
Rezultati i të gjitha provave në stilin e shkëputjes, bëri që Calja u rendit në vendin e 6 në klasifikimin e përgjithëm.
Ndërsa më pas ai e nisi stilin e shtytjes me peshën e realizuar 184 kg dhe e kaloi me sukses. Calja provoi peshën 188 kg në provën e dytë, megjithatë nuk arriti të mbante shtangën lart
Peshëngritësi shqiptar tentoi gjithçka për gjithçka në provën e fundit duke vendosur peshën 190 kg dhe ia doli./Gijotina.com
