Dorëhiqet Tom Doshi! Kryesuesi i litave të Partisë Social Demokrate, Tom Doshi, me anë të një letre drejtuar Komisionit Qendror të Zgjedhjeve ka dhënë dorëheqjen e parevokueshme nga listat si kandidat për deputet.
Doshi kërkon që KQZ-ja të bëjë zëvendësimin e tij me një tjetër person. Vendimi i Doshit ka ardhur në mënyrë të papritur, kur në fakt PSD-ja sipas të dhënave zyrtare ka marrë një numër të konsiderueshëm votash, prej 2542 votash (dy deputetë).
Letra e dorëzuar nga Tom Doshi:
Kërkesë Komisionit Qëndror të Zgjedhjeve. Unë i nënshkruari Tom Doshi me vullnetin tim të lirë dhe të plotë deklaroj se në datën 26 prill jap dorëheqjen e parevokueshme nga mandati im si deputet i Kuvendit të Shqipërisë. Deklaroj se sot në datën 26 prill jap gjithashtu dorëheqjen nga mandati im si deputet i fituar pas zgjedhjeve të 25 prillit 2021 dhe jap dorëheqjen nga lista shumëemërore e kandidatëve për deputet të PSD për zgjedhjet për Kuvendin e Shqipërisë të datës 25 prill 2021..
Rezultatet finale të zgjedhjeve në kohë reale dhe të përditësuara nga burimi zyrtar KQZ këtë vit do të mund ti ndiqni në Dosja.al. Kliko për të parë platformën.
I kërkoj KQZ të bëjë zëvendësimin tim si deputet sipas parashikimeve ët Kodit Zgjedhor. Sa më sipër ëstë në përputhje me vullnetin tim të lirë dhe të plotë dhe nuk kam sot në datën 26 prill dhe asnjë pretendim me vendimin e KQZ sipas të cilit mandati im i kalon kandidatit tjetër sipas parashikimeve të Kodit Zgjedhor. Kjo dorëheqje është e parevokueshme
Letra e dorëzuar nga Tom Doshi
Nuk dihet ende se çfarë e ka bërë Doshin të largohet nga politika në këtë mënyrë, kur ishte po vetë ai që pavarësisht thirrjeve të vazhdueshme të ambasadores së SHBA-ve Yuri Kim, për të mos garuar në zgjedhjet e 25-prillit, bëri çmos që të ishte pjesë e tyre.
