Tom Doshi si Veliaj, i quan prokurorët "kolegë": Më thirrën për një çështje që s’ka lidhje me mua -

Tom Doshi si Veliaj, i quan prokurorët “kolegë”: Më thirrën për një çështje që s’ka lidhje me mua

Kreu i PSD, Tom Doshi duke dalë nga SPAK, ka dhënë edhe një deklaratë të shkurtër për gazetarët.

Gjatë deklaratës, Doshi tha se u thirr për një çështje që sipas tij nuk ka lidhje me të. Doshi gjithashtu ironizoi ish-kryetarin e Bashkisë së Tiranës, Erion Veliaj, duke përdorur një deklaratë të bërë prej këtij të fundit lidhur me thirrjet nga SPAK.

“U pyeta për një çështje që s’ka lidhje me mua, kolegët siç ka thënë Erioni të thërrasin edhe për çështje që s’kanë lidhje me ty…”

Më herët, më 24 shkurt, Doshi është paraqitur për herë të parë në SPAK, ku u mor në pyetje për rreth 90 minuta. Pas daljes nga seanca, ai deklaroi se ishte pyetur në lidhje me zgjedhjet në Rrogozhinë në vitin 2023. Sipas tij, një nga personat me të cilët kishte zhvilluar një takim elektoral ka qenë në përgjim nga SPAK.

gijotina.com/

Etiketa: Kryesore1 tom doshi