Toni Kroos vendos për të ardhmen e tij, gati rinovimi me Realin

Real Madridi është gati të rinovojë kontratën me mesfushorin veteran Toni Kroos.

“Është një vendim që do të merret në muajt e ardhshëm, të shohim se çfarë do të ndodhë”, tha Toni Kroos vetëm pak ditë më parë në lidhje me rinovimin e kontratës që skadon qershorin e ardhshëm me Real Madrid.

Por tani, siç raportohet edhe nga gazetari italian, mjeshtëri i merkatos, Fabrizio Romano, mesfushori gjerman do të vazhdojë karrierën e tij te Real Madrid edhe për një tjetër sezon, deri në vitin 2025 dhe gjithçka është kryer.

Ai ka pohuar se dëshiron të tërhiqet në krye të lojës dhe nuk dëshiron të pensionohet duke ngrohur bankinën, dhe duket se ka marrë siguri të mjaftueshme nga Carlo Ancelotti se kështu do të jetë.

Tashmë ka mbetur vetëm firma, si pjesë e një formaliteti, pasi klubi spanjoll dhe lojtari kanë rënë dakord për kushtet e kontratës.