Drejtuesja politike e PD-së për diasporën, Jozefina Topalli, tha se largimi i mbi 1 milionë shqiptarëve nga familjet dhe vendi i tyre, në 10 vitet e fundit, është një alarm. Sipas saj, diaspora e kësaj dekade, duhet t’i japë një përgjigje të fortë me votë qeverisjes socialiste, për të garantuar rotacionin politik.
Topalli tha se PS, ka filluar presionet ndaj administratës, e gjithashtu po përdor ambasadat në funksion të saj. Ka një pikë ku sipas Topallit, PS është përpara, luksi dhe paratë, për të cilat PD do kundërpërgjigjet me ndërgjegje dhe moral. Topalli gjithashtu u kërkon shqiptarëve që nuk jetojnë në Shqipëri, të regjistrohen në faqen e KQZ-së, për të qenë votues në zgjedhjet e 11 majit.
“Diaspora mund te bëhet faktor për të bërë rotacionin, për faktin se ata që kanë ikur gjatë 10 viteve të fundit në ritme aq të frikshme me një largim aq dramatik, sigurisht që nuk kanë ikur nga qejfi, por kane ikur nga mosmundesia e përballimit të jetesës. Ka 1000 arsye që diaspora është më e pavarur, është më e lirë sesa ata që janë në administratën shtetërore ndaj të bëhët një faktor kryesor për të bërë rotacionin thjesht për një Shqipëri më të mirë. Rilindja e Ramëa po e përdor administratën në çdo qelizë duke i kondicionuar me vendin e punës dhe bukën e gojës ata që punojnë në administatën shtetrore duke i detyruar të sjellin numrin e caktuar të familjarëve të tyre që jetojnë në diasporë dhe për t’i kontrolluar nëse janë të regjistruar.” tha Topalli.
Discussion about this post