Jozefina Topalli, anëtare e Kryesisë së PD-së dhe e deleguar politike për Qarkun e Lezhës, gjatë takimit me demokratët tha se vendi është në një udhëkryq të rrezikshëm për shkak të regjimit të Edi Ramës.
Topalli tha se nuk ka asnjë vend që ka skandale të tilla, që nisin nga narko-trafikantët e lidhur me ministra e Kryeministrin, e deri te ai që burri i ministres plagos me thikë vartësin e saj, sepse nuk ikte nga puna.
“Po kalojmë një moment udhëkryqi të rrezikshëm. Udhëkryqi të rrezikshëm të pluralizmit, të demokracisë e perspektivës.
Ajo që ne kemi dëgjuar në Rai3, nuk është asgjë e re për ne. Por është tronditëse për këdo që dëgjon një emision si ai që fillon,”kushërinjtë i ministrit të brendshëm, që ishin kryetrafikant të drogës. Vëllai i ministrit të brendshëm, trafikant. Sekretari i Përgjithshëm i kryeministrisë, i cili dhuronte toka, kryetrafikantit”. Dhe vazhdonte me radhë dhe s’po flas për lajmin e fundit që dëgjuam sot, se si burri i ministres godet me thikë drejtorin që donte me e heq nga puna.
A keni dëgjuar në një vend tjetër të Rajonit që të ketë një intensitet të tillë skandalesh. Asnjëhere në këto 33 vite.
Këta çojnë taksat në maksimum për qytetarët, për t’i futur në buxhetin e vet, për t’i futur kompaninë e vet.
Këta kanë rritur varfërinë si asnjëherë më parë. Kanë larguar nga Shqipëria 1 milion shqiptarë. Nuk ka më zë fëmijësh nëpër rrugica, në oborret e shkollave. Por ama ka histori drejtorësh të TIMS.
Nëse një shoqëri nuk reagon ndaj padrejtësisë, çfarë do të ndodhë? Nëse ne nuk rebelohemi ndaj regjimit, i kemi bërë padrejtësi vetes tonë.
Ne kemi udhëheqësin e opozitës në arrest, sepse ishte denoncuesi më i fortë, sepse i përmende të gjithë me emër e mbiemër. Sali Berisha është në arrest pa prova dhe fakte, i paditur nga Taulant Balla dhe qeveria.
A ka ndodhur ndonjëherë që PD të vendosë deputetë apo ministra kriminalë, apo precedent penalë?
Po pse duhet të pres unë të ma thotë italiani që në procesin e vetting janë përdorur kriminelë?
A nuk ishte Edi Rama që ble McGonigal? A nuk ishte Rama që bleu general Lisin, që ishte dërguar të luftonte trafikun e drogës në Shqipëri?”, tha Topalli.
Lidhur me logon dhe vulën e PD-së, Topalli tha se nëse kjo gjë do i ndodhte Edi Ramës ai do të kishte shembur çdo gjë.
“A ka ardhur moment që të reagojmë me të gjithë forcën? Ky regjimi i ‘5D’ po shkërmoqet, dhe për të mbuluar këtë skandal hapin një tjetër te qeveria, dhe për të mbuluar atë te qeveria hapin një tjetër te ministrja.
Ne kemi parë videon e bandave kriminale të Shkodrës, por nuk kemi nxjerrë ato të Lezhës. Regjimet nuk rrëzohen me votë, por vetëm me rebelim, koha për protesta të fuqishme”, tha Topalli.
Discussion about this post