Gëzim Topçiu, kryebashkiaku i Maliqit, i bie me top fondeve të bashkisë duke shkelur ligjin e për prokurimet publike. Këtë gjë e shohim tek kontrata e fundit që ka firmosur kryebashkiaku i Maliqit. Bëhet fjalë për tenderin me objekt “Sistemim asfaltim rrugë viti 2023”. Për të sistemuar një rrugë që ka me asfalt Maliqi, Topçiu ka vënë në dispozicion fondin limit me vlerë 483 milionë lekë.
Në tenderi që është mbyllur me datë 7 prill 2023, vihet re se bashkia ka shkelur rregullat bazë të ligjit “Për Prokurimet Publike”. Kështu, fituesi është shpallur pa zhvilluar një garë të mirëfilltë. Qysh në fazën e vlerësimit të ofertave, bashkia i skualifikoi 3 konkurrentë. Me argumentin se nuk plotësojnë kriteret për punë të ngjashme. Topçiu kërkon punë të specializuar për të arnuar asfaltin e Maliqit. Por, nëse do të kishte bërë një punë të tillë më parë, këto rrugë do ishin në gjendje shumë të mirë sot!
Gjithsesi, rëndësi për Topçiun në këtë pikë ka që mbeti në garë vetëm firma e mikut të tij “VASHTEMIA” shpk. me pronarë Gezim Avdolli dhe Servet Cenolli. Ata kanë paraqitur ofertën me vlerë 350 milionë lekë, ndërsa kishte edhe oferta të tjera me vlerë 330 milionë lekë.
Kështu, përveç se e ka dhënë tenderin pa garë, Topçiu ka blerë ofertën më të shtrenjtë.
Kjo përbën një tjetër shkelje. Me abuzim dhe në hundën e organeve kontrolluese dhe atyre hetimore, 350 milionë lekë xhirohen në llogarinë e biznesmenëve të paracaktuar. Për këto shkelje Open Data i ka dhënë tenderit “Flamurin e kuq”, duke sinjalizuar rrezikun e shpërdorimit të fondit. Ndërkohë qytetarëve iu bëhet propagandë me këtë asfalt për të marrë votat.
Kujtojmë se “VASHTEMIA” shpk është përgjegjëse për “Mirëmbajtje me Performancën e segmentit rrugor K/Podgorie – K/Liqenas”. Aksi rrugor është bërë disa herë problematik, për shkak se firma në fjalë vetëm po merr paratë, por nuk e kryen punën e mirëmbajtjes. Edhe tek ky projekt, firma në fjalë ka fituar 600 milionë lekë pa garë. Pra Vashëtima merr milionat për të mirëmbajtur rrugët, por në fakt gjendja vazhdon e njëjtë dhe ato degradohen dita-ditës.
Theksojmë se Gëzim Topçiu është serish në listën e kandidatëve të PS për Bashkinë Maliq. Edhe pse ligji “Për vetëqeverisjen vendore” nuk lejon më shumë se 3 mandate, KQZ me një vendim të vitit 2019 i ka dhënë dritë jeshile Topçiut dhe kandidatëve të tjerë të PS-së për të vazhduar të kandidojnë. Topçiu e ka për herë të shtatë kandidimin! Sigurisht, Rilindja ia beson këtë post, pasi ai zbaton mirë urdhrat për tenderët e manipuluar.
Discussion about this post