Bamir Topi, ish-President, nga studio e News24, tha se është ende e paqartë shfaqja e Lulzim Bashës në politikën active, duke kërkuar prej tij që të bëjë transparencë.
Topi tha se takimi që zhvilloi me një grup të rinjsh dhe të rejash mund të jetë nga funksioni i deputetit, por i takon atij të shpjegojë arsyen.
“Basha u shfaq, por duhet të sqarojë misterin, nëse do të rikthehet në politikën active apo thjesht po bën shfaqje. Ai u largua, ndenji në heshtje, tani rishfaqet, bëri disa propozime, por ne nuk e dimë nëse ai thjesht hodhi propozime apo do të rikthehet”, tha Topi.
Ish-Presidenti tha se Basha dhe Berisha duhet të sqarojnë nëse vendimet i kanë marrë bashkarisht kur ishin të dy në Partinë Demokratike, apo vendimet i kishte marrë Basha në kokën e tij, apo i imponuar nga Berisha.
“Të dy duhet të bëjnë transparencë”, tha Topi.
Discussion about this post