Mbrëmjen e sotme në Paris do të jepet çmimi më i rëndësishëm individual për futbollistët, ‘Topi i Artë’.
Revista franceze ‘France Football’ nuk e dha këtë trofe vitin e kaluar për shkak të pandemisë, megjithatë ky trofe rikthehet sonte.
Futbollistët do të kalojnë në tapetin e kuq në orën 19:00, ndërsa ceremonia do të nisë zyrtarisht në orën 20:30 në kryeqytetin francez, ndërsa do të transmetohet drejtpërsëdrejti në ‘Eurosport’.
Dy nga pretendentët kryesorë që mund ta marrin këtë çmim shihen ylli i Paris Saint-Germain, Lionel Messi dhe ai i Bayern Munich, Robert Lewandowski, ndërsa top treshja plotësohet nga kapiteni i Real Madrid, Karim Benzema.
Messi e drejtoi Argjentinën në fitimin e Kupës së Amerikës 2021 në verë, ku kontribuoi me katër gola dhe pesë asiste, duke u zgjedhur lojtari më i mirë dhe golashënuesi më i mirë i turneut. Po ashtu ai u zgjodh edhe si golashënuesi më i mirë në La Liga dhe e fitoi Kupën e Mbretit me Barcelonën sezonin e kaluar.
Ndërsa Lewandowski ndihmoi Bayern Munich të fitojë Bundesligën dhe i fitoi çmimet e golashënuesit më të mirë në Evropë dhe në Gjermani.
Karim Benzema nga ana tjetër është në super formë dhe po kalon një sezon shumë të mirë me ekipin e Real Madrid./K.T/Gijotina.com
Discussion about this post