Topi që u shit 2.3 mln euro

Një top normal futbolli mund të vlejë një pasuri nëse ‘Dora e Zotit’ e prek atë.

Kështu, një prej relikeve më ikonike në historinë e futbollit u shit për 2 milionë paund (rreth 2.3 milionë euro).

Kjo shumë u pagua për topin e prekur me dorë nga Diego Armando Maradona në Botërorin e vitit 1986 në çerekfinalen fituar nga Argjentina kundër Anglisë.

Në pronësi të topit ishte arbitri tunizian Ali Bin Nasser.

Para ankandit, ish-arbitri ka thënë se ka ndier se ishte momenti i duhur për ta ndarë objektin me pjesën tjetër të botës dhe ka shprehur shpresën që blerësit ta ekspozonte atë për publikun.