Torino ka zgjedhur një shqiptar për të zëvendësuar Alessandro Buongiornin, i cili pak ditë më parë vendosi të transferohet te Napoli i Antonio Contes.
Klubi “Granata” po negocion me Luganon për të transferuar në Torino 21-vjeçarin Albian Hajdari, futbollist me origjinë shqiptare, por i lindur dhe rritur në Zvicër.
Albian Hajdari është rritur në akademinë e Baselit dhe për dy sezone ka qenë pjesë e të rinjve të Juventusit, teksa sezonin që lamë pas shkëlqeu në Superligën e Zvicrës, ku veshi fanellën e skuadrës së Luganos.
Këta të fundit kërkojnë 5 milionë euro për kartonin e Hajdarit, shifër kjo që nuk përbën problem për Torinon, me këta të fundit që duan të sigurojnë një mbrojtës me perspektivë, për të zëvendësuar Buongiornon.
Albian Hajdari ka luajtur me të gjitha përfaqësueset e moshave të Zvicrës, deri në ekipin U21, por nuk ka debutuar ende me skuadrën e parë, duke pasur të hapur mundësinë që në të ardhmen të zgjedhë Shqipërinë ose Kosovën për të përfaqësuar në nivel ndërkombëtar.
gijotina.com/
Discussion about this post