Totti nën hetim, legjenda e Romës rrezikon 5 vite burg

Duket se nuk kanë fund telashet për legjendën e Romës, Francesco Totti.

Pas ndarjes nga bashkëshortja Ilary Blasi dhe akuzave nga ana e saj për braktisjen e fëmijëve, tashmë ish-kapiteni i Romës do të hetohet edhe për evazion fiskal.

Sipas mediave italiane, Totti akuzohet për mosdeklarim të të ardhurave për t’iu shmangur taksave. Në rast se këto akuza do të vërtetoheshin, Francesco Totti mund të dënohet nga 2 deri në 5 vite burg.

Në mes të dhjetorit, Totti do të paraqitet në prokurori pasi është thirrur për të dhënë arsyetimin e tij për mosdeklarimin e të ardhurave nga reklamat gjatë një periudhe kohe.