“Toyota Yaris”, Basha: Trillime, jam i gatshëm të dëshmoj në Bruksel

Lulzim Basha ka deklaruar se është i gatshëm të japë shpjegime me çështjen e shumëpërfoluar “Toyota Yaris” deri në Bruksel. Duke i cilësuar akuzat ndaj tij si trillime, Basha u shpreh se ka deklaruar pranë SPAK në prani të zyrtarëve belg lidhur me këtë uar pranë SPAK në prani të zyrtarëve belg lidhur me këtë çështje, teksa e cilësoi të gjithë situatën si trillim të ish-kryeministrit Berisha. Madje Basha shtoi se të tilla trillime do të vijojnë, si nevojë e Berishën për të justifikuar sajesën se “Basha është peng”.

“Kam dhënë dëshminë e plotë. Jam i gatshëm të jap dëshminë. Dëshmia është dhe në SPAK, edhe para zyrtarëve belgë. Unë udhëtoj që sonte drejt Brukselit dhe kam udhëtuar dhjetëra herë. Për herë të fundit kam qenë në qershor. Nuk jemi në rrafshin e trillimeve. Nëse ka nevojë të jap dëshmi përsëri e jap kudo. Është shenjë dëshpërimi që për të justifikuar trillimin që Basha është peng, do të dëgjoni trillime të tilla.”

Ai theksoi se ndaj tij nuk është hapur kurrë një çështje hetimore në SHBA dhe mbajtja e tij peng nuk vlen, pasi ai ka tetë vite që bën opozitë. Basha nënvizoi se SHBA e ka njohur atë si partner kur ka Shqipërinë e NATO-s dhe është ftuar për vizitë institucionale nga SHBA. Me këtë argument kryedemokrati u shpreh se gjithçka e thënë është përpjekje për të manipuluar njerëzit, të cilët janë të  lodhur nga 25 prilli prej masakrës zgjedhore.

“Si mbahet peng Lulzim Basha, që ka tetë vite që bën opozitë. Kultura e vjetër, e linçimit që të justifikojë atë që ka thënë që s’e kthen dot që ky është peng, s’ka si e justifikon. Nuk është hapur kurrë një çështje ndaj meje në SHBA. Të gjitha këto, përveç përpjekjes për të manipuluar njerëz të lodhur nga 25 prilli prej masakrës zgjedhore nuk ka asgjë tjetër, janë trillime. Jam ftuar për të vizituar SHBA-të dhe siç kam qenë do të vazhdoj të jem në institucionet e Amerikës. Ata më kanë njohur si partner kur kam çuar Shqipërinë e NATO-s. Më kanë njohur si kryetar të opozitës. Më kanë njohur dhe në çështjet të tjera që kanë të bëjnë me gjeostrategjinë”, tha Basha.