Sulmuesi i Realit të Madridit, Vinicius Junior, deklaroi mëngjesin e së enjtes para Gjykatës Hetimore numër 3 të Palma de Majorkës për fyerjet raciste që mori gjatë ndeshjes kundër kuqezinjve të Mallorca në “Son Moix” 5 shkurtin e vitit 2023.
Pas ndeshjes mes ishullorëve dhe Realit, një tifoz u identifikua dhe më pas u arrestua për fyerje raciste ndaj brazilianit të Realit të Madridit.
Ka qenë gazeta spanjolle “El Mundo” që ka siguruar pjesë nga dëshmia e Viniciusit përpara gjykatës. Siç raporton ajo, dëshmia e tij ka qenë “online”, sepse për momentin lojtari ndodhet me pushime në Rio de Zhaneiro dhe nuk i është bashkuar ende ekipit në nisjen e përgatitjeve verore.
“Ata më ofendojnë sepse jam një lojtar i rëndësishëm dhe sepse jam me ngjyrë. Jam i bindur se kjo është arsyeja përse kapen me mua”, shpjegoi Vinicius para gjykatës. Sulmuesi, një herë kampion i Europës siguroi se gjatë ndeshjes nuk ishte në dijeni të llojit të fyerjeve që kishte marrë, gjë që më vonë e zbuloi përmes regjistrimeve.
“Nuk mund ta bësh këtë me zezakët që janë prekur gjatë historisë së njerëzimit”, shtoi një Vinicius serioz dhe i tensionuar. Ai ishte më shumë i tensionuar kur u pyet nëse referencat për majmunët mund të kuptoheshin në një mënyrë tjetër.
“Nuk e kuptoj përse kjo pyetje. Ndoshta mund të vlejë për të bardhët, por jo për zezakët”, deklaroi Vini, duke theksuar se fyerjet në adresë të tij kishin qartë një konotacion racor.
Nga ngjarjet në Palma de Majorka u arrestua një student 21-vjeçar, i cili përfundoi duke kërkuar falje gjatë deklaratës së tij në gjykatë, i prekur dukshëm, madje duke thënë se e admiron Viniciusin si lojtar.
Edhe Mallorca u tregua e shpejtë, duke dënuar ngjarjet dhe duke përjashtuar tifozin e saj. Gjatë deklaratës së tij, Vinicius tha se nuk kishte parë një mjedis më armiqësor se ai në Majorka.
Andre Cury, agjenti Vitor Roque (blerja më e re e Barcelonës), ka rrëfyer për mediat spanjolle shifrat reale të transferimit të brazilianit në “Camp Nou”.
Por jo vetëm kaq, sepse ndër të tjera ai ka zbuluar dhe prapaskenat e transferimit të Rodrygos dhe Viniciusit te Reali i Madridit.
Ai ka saktësuar se Vinicius ka qenë shumë pranë kalimit në Barcelonë, por një devijim i minutës së fundit ka ndryshuar gjithçka.
“Di të them se Vinicius kishte nënshkruar për Barcelonën. Dy agjentët e lojtarit ishin miqtë e mi shumë të ngushtë. Kjo çështje ishte tashmë e pranishme për ne, por në sekondën e fundit miqtë e mi më tradhtuan mua dhe klubin. Ne nuk kemi folur me njëri-tjetrin që nga viti 2017”, shpjegoi Cury.
Discussion about this post