Një 33-vjeçar është arrestuar nga policia në zonën e Skroskës në Përrenjas, nën akuzën e trafikimit të armëve të zjarrit.
Në kuadër të operacionit “Border Crossing” u vu në pranga Shaqir Çela, të cilit iu gjetën një automatik kallashnikov dhe një armë gjahu, të cilat dyshohet se i kishte kaluar nëpërmjet kufirit të gjelbër, me qëllim shitjen.
Nga hetimet e deritanishme, dyshohet se ai i kishte trafikuar armët, nga RMV-ja në vendin tonë, nëpërmjet kufirit të gjelbër, me qëllim shitjen në Shqipëri.
Hetimet vijojnë për nxjerrjen përpara përgjegjësisë ligjore të shtetasve të tjerë që mund të jenë implikuar në këtë rast, njofton policia.
Discussion about this post