Struktura e Posaçme Anti Korrupsion njofton se ka sekuestruar 1 milionë euro pasuri të Astrit Beqirit e Dhimitër Shkodranit, të cilat i kanë kaluar shtetit.
Sipas njoftimit, SPAK ka konfiskuar një pulari në Shkodër, e cila dyshohet se përdorej për pastrimin e parave, me vlerë 400 mijë euro, 5 automjete dhe 173 500 € & 8.6 milionë lekë cash.
Astrit Beqiri është kunati i drejtuesit të grupit të strukturuar kriminal Jetmir Kastrati (i njohur në Danimarkë si Sokol Krasniqi), i arrestuar në Danimarkë.
Hetimi i mëtejshëm provoi se Astrit Beqiri paratë e ardhura nga krimi kishte mundur t’i pastronte duke i investuar në biznes, siç ishte pularia “RENS 2015”, pasuri të paluajtshme dhe të luajtshme, të sekuestruara.
Hetimet dhe arrestimi tyre ishte si pjesë e operacionit të gjerë të zhvilluar në 26 qershor 2019, ku mori pjesë dhe Europol dhe u zhvillua në disa vende të Europës.
Discussion about this post