Ditën e sotme, autoritetet në Finlandë kanë deklaruar se kanë përfunduar hetimet për një rast të kontrabandës së drogës nga Shqipëria në Finlandë nëpërmjet Spanjës. Bëhet me dije se droga është trafikuar nga një bandë kriminale e quajtur “Mantaqa”, anëtarët e së cilës janë kryesisht finlandezë.
Mikko Minkkinen, kryeinspektor detektiv në departamentin e policisë Lindore të qytetit Uusimaas, ka bërë me dije se midis dy muajve janarit dhe shkurtit grupi kishte dërguar me rreth 70 kilogramë marihuanë në Finlandë. Gjithashtu, mësohet se droga kishte një vlerë rreth 700 mijë euro.
Deri më tani, policia ka sekuestruar rreth 13 kilogramë lëndë narkotike. Ndërsa sipas hetimeve, një shqiptar i mori pakot me marijuanë nga posta duke përdorur një identitet të rremë.
Ky i dyshuar u mbajt në paraburgim pasi u kap nga policia në një apartament në Tikkurila të marrë me qira nga një prej të dyshuarve kryesorë, sipas Minkkinen.
Nga ana tjetër, pasi droga kishte mbërritur në Finlandë, të dyshuarit e paketuan lëndën narkotike në qese me vakum në një objekt industrial në Nurmijärvi. Nga aty, çantat përfunduan në rrugët e Helsinkit, Vantaa dhe Kerava. Anëtarët kryesorë të grupit janë shumë të rinj në moshë, ndërsa për pesë të tjerë vazhdojnë hetimet.
Discussion about this post