Dy vëllezër turq, banues në Tiranë janë arrestuar në Qafë-Thanë, pasi dyshohen për trafik ndërkombëtar droge.
Utku Kaya dhe Kabilay Kaya janë arrestuar pasi akuzohen për veprën penale “Trafikimi i narkotikëve”, kryer në bashkëpunim.
Këta 2 persona janë të akuzuar dhe dyshohet se në bashkëpunim me shtetas turq, të arrestuar në tetor të këtij viti, në Turqi, kanë kaluar nga Rinasi për në Turqi, një sasi lënde narkotike.
Njoftimi:
Vihen në pranga 2 shtetas turq (vëllezër), si autorë të dyshuar dhe bashkëpunëtorë për trafik ndërkombëtar të lëndëve narkotike.
Në vijim të veprimeve të përbashkëta hetimore, mes Policisë shqiptare dhe asaj turke, për zbardhjen e plotë të rastit të trafikimit ndërkombëtar të lëndëve narkotike, në tetor të këtij viti, nëpërmjet Rinasit, specialistët për Hetimin e Narkotikëve të DVP Tiranë, në bashkëpunim me shërbimet e Policisë Kufitare të Qafë-Thanës, bënë ndalimin në PKK Qafë Thanë, të shtetasve:
– U. K., 41 vjeç, dhe K. K., 46 vjeç, me shtetësi turke, të dy banues në Tiranë, për veprën penale “Trafikimi i narkotikëve”, kryer në bashkëpunim.
Këta 2 shtetas janë autorë të dyshuar dhe dyshohet se në bashkëpunim me shtetasit turq, të arrestuar në tetor të këtij viti, në Turqi, kanë kaluar nga Rinasi për në Turqi, një sasi lënde narkotike.
Materialet i kaluan Prokurorisë, për veprime të mëtejshme procedurale.
Lexo edhe: Tentuan të trafikonin drogë drejt Korfuzit, pranga dy të rinjve
Discussion about this post