Policia e Shtetit ka reaguar lidhur me situatën e ngarkuar në disa akse rrugore të vendit në vigjilje të ndërrimit të viteve. Përmes një njoftimi, autoritetet bëjnë me dije se është rritur prezenca e Policisë Rrugore dhe patrullave, ndërsa akset po monitorohen edhe me makinat inteligjente dhe dronë.
“Nisur nga fluksi shumë i lartë i automjeteve, jo vetëm në qendrat urbane por edhe në akset nacionale dhe rurale, Policia e Shtetit ka rritur prezencën e shërbimeve të Policisë Rrugore dhe ato të Patrullave të Përgjithshme, duke patrulluar me mjete të paloguara, si dhe po monitorohet qarkullimi i automjeteve me makinën inteligjente, dronë, radarë, kamera e aparatë fotografik, me qëllim parandalimin e akisdenteve rrugore. Policia e Shtetit, apelon për të gjithë drejtuesit e mjeteve, që mos kryejnë parakalime të gabuara dhe të qëndrojnë në radhë në ato akse rrugore ku ka lëvizje të ngadaltë për shkak të fluksit të lartë të automjeteve”, njoftoi policia.
Kujtesa e fundit e tyre është për të mos përdorur fishekzjarre. “Njëkohësisht Policia e Shtetit apelon për zbatim të masave anticovid, dhe për mospërdorim të fishekzjarrëve”, thuhet në njoftim
Discussion about this post