Me ardhjen e verës dhe temperaturat e larta interesi për të kaluar fundjavën në det është rritur. Kjo sjell edhe shtim të qarkullimit të mjeteve në disa akse duke krijuar trafik të madh.
Raportohet se ditën e sotme qytetarë të Kosovës kanë zgjedhur të kalojnë fundjavën në vendin tonë prandaj edhe në Rrugën e Kombit ka trafik të dendur.
Radha është kilometrike dhe makinat ecin me ngadalë. Trafik të dendur ka edhe në segmentin rrugor nga Morina deri te Tuneli i Kalimashit, pjesë kyçe e Rrugës së Kombit.
Fluksi është shtuar që paraditen e sotme pasi e premtja përkon edhe me festën e Kurban Bajramit ku shumë qytetarë kanë pushim dhe vendosin të shijojnë ditën pranë plazhit.
Discussion about this post