Një i ri shqiptar që ishte në kërkim prej kohës, ka mundur t’u shpëtojë për të dytën herë nga duart policëve italian. 20-vjeçari akuzohet se është pjesë e një grupi që merrej me trafik droge. Sipas mediave italiane i riu shqiptar është pikasur në Viale Borri në Varese nga agjentët e antidrogës, teksa lëvizte me një Opel Meriva, dhe në atë momente efektivët e kanë ndaluar atë.
Por, 20- vjeçar e ka kuptuar se ata janë efektivë të policisë italiane dhe ka ndezur sërish makinën e tij duke goditur me mjetin e tij edhe njërin prej tyre. Efektivi përfundoi në spital jashtë rrezikut për jetën. Më pas agjentët e antidrogës gjetën të braktisur makinën e 20 -vjeçarit, ndërsa i riu u arratis pa lënë asnjë gjurmë. Në po të njëjtin operacion, policia italiane arrestoi një nga bashkatdhetarët e 20 -vjeçarit të cilët kërkoheshin gjithashtu për kokainë dhe marijuanë.
Agjentët e antidrogës zbarkuan në prej shtëpive të tyre duke arrestuar një 34-vjeçar shqiptar, i kërkuar për posedim dhe trafik droge. Ai u kap me 1 kilogramë kokainë dhe tre kilogramë marijuanë.
Discussion about this post