Kontrabandistët shqiptarë të kapur në Angli po refuzojnë ekstradimin për krimet e kryera në Belgjikë, me pretekstin e se qelitë atje janë të vogla dhe të mbipopulluara, prandaj “shkelin të drejtat e tyre”.
Sabah Zeka, një shqiptar që ka marrë nënshtetësinë e Mbretërisë së Bashkuar përballet me 12 vjet burg në Belgjikë për trafik qeniesh njerëzore, por avokatët e tij pretendojnë se në burgun belg nuk ka më shumë se tre metra katrorë në qeli, gjë që shkel Konventën Evropiane për të Drejtave te Njeriut.
Anëtarët e grupit u kapën duke transportuar emigrantë të paligjshëm, përfshirë gra dhe fëmijë, nga Belgjika në Angli. Në këmbim u merrnin atyre 10 mijë paundë atyre që uleshin në pjesën e pasme të kamionit dhe 6 mijë paund atyre që uleshin para. Zeka kishte rolin e organizatorit të bandës.
Dy gjyqtarë të gjykatës së lartë hodhën poshtë ankesat e anëtarëve të bandës, duke thënë se nuk ka “prova të mjaftueshme” për të vërtetuar se Belgjika nuk përmbush detyrimet e Konventës.
Discussion about this post