Trafikonin emigrantët për në Angli, dënohen me burg tre shqiptarët, si i fshihnin mes pikturave

Një gjykatë belge ka dënuar tre shqiptarë me mbi 4 vjet burg për trafik të qënieve njerëzve.

Sipas mediave belge, bëhet fjalë për shqiptarët Ermal.L 36 vjeç, Hysen.D 35-vjeç dhe Basri.A 40 vjeç, të cilët kalonin ilegalisht bashkëatdhetarë të tyre për në Angli.

Emigrantët fshiheshin në furgonin e një 63-vjeçareje belge. Edhe kjo e fundit rrezikon të dënohet për transportin ilegal të emigrantëve.

Në furgonin e saj u gjetën tre shqiptarë mes një grumbulli pikturash që gruaja nga Belgjika pretendonte se do t’i shiste në Angli. Bashkë me ta ishte edhe një fëmijë 3 –vjeç.

Furgoni i Viviane V. u ndalua në Nieuëpoort, ku gjatë kontrollit u gjetën edhe tre shqiptarët dhe bashkë me ta edhe një fëmijë tre vjeçar.

Gruaja pretendoi se ajo donte t’i shiste pikturat në një ankand arti në Londër dhe mohoi çdo përfshirje në trafikimin e emigrantëve, shkruajnë mediat belge.

 Sipas mediave belge, 35-vjeçari Hysen D., dhe 40-vjeçari Basri A., janë kokat e trafikut të qenieve njerëzore.  Bashkë me Ermal L. ata janë dënuar me mbi 4 vjet burg shoqëruar edhe me gjoba të majme ndaj tyre.