Guardia di Finanza e Bolonjës ka shkatërruar një grup kriminalë i cili merrej me trafikimin e kokainës.
Banda drejtohej nga dy shqiptarë të cilët u arrestuan, por së bashku me ta dhe 8 anëtarë të tjerë. Ata u arrestuan në Macerata, Alessandria, Verona, Mantua, Reggio Emilia dhe Modena. Gjykata la në burg 5 persona, ndërsa 4 të tjerë në arrest shtëpie.
Hetimet kanë nisur që në vitin 2019, droga sillej nga Holanda, vendi në të cilin banonin dhe “kokat” e grupit. Dy vëllezërit shqiptarë me ndihmën e dy bashkatdhetarëve me banim në zonën e Reggios, shpërndanin kokainë në territorin italian, duke bashkëpunuar me një rrjet të brendshëm të trafikut të drogës.
Gjatë aksionit u sekuestruan rreth 7.5 kilogramë kokainë, 93 bimë kanabis dhe 10 350 euro para cash, që dyshohet se janë pjesë e të ardhurave nga trafiku i drogës.
Gjithashtu, policia italiane raporton se u sekuestruan gjashtë prona, duke përfshirë pesë automjete dhe motoçikleta, 22 marrëdhënie bankare dhe tri aktivitete tregtare, me një vlerë totale mbi 850,000 euro.
Gjatë kontrollit janë gjetur edhe katër armë, dy prej të cilave janë vjedhur dhe 200 gramë kokainë shtesë.
Discussion about this post