Mediat italiane shkruajnë se tre persona kanë rënë në pranga për trafikim të lëndëve narkotike. Në pranga kanë rënë një 67-vjeçar dhe dy të rinj përkatësisht një italian i moshës 28 vjeç dhe një shqiptar i moshës 26-vjeç. Policia ka sekuestruar edhe 7 kg kokainë.
Mësohet se hetimi nisi si pasojë e raportimeve të marra nga qytetarët për lëvizje të dyshimta pranë via Galliano në Firence. Pas hetimeve rezultoi se të tre këta persona në bashkëpunim me njëri tjetrin trafikonin lëndë narkotike. Hetimet po ashtu bënë të mundur gjetjen e rreth 1000 euro kartëmonedha të prera të vogla, të cilësuara si të ardhura nga veprimtaria e paligjshme e trafikut të lëndëve narkotike.
Discussion about this post