Policia e Vlorë, në drejtimin e Prokurorisë së këtij qyteti ka ekzekutuar operacionin e koduar “TRANSNACIONAL”, ku janë goditur dy raste të trafikimit të personave të rritur nga Ukraina.
- Mark Petrenko, 27 vjeç, lindur dhe banues në Harkov, Ukrainë;
- Nazar Khamuilo, 23 vjeç, lindur dhe banues në Kiev, Ukrainë;
- Oleksandr Tavorskyi, 24 vjeç, lindur dhe banues në Minsk, Bjellorusi;
- Marianna Syzareva, 22 vjeçe, lindur dhe banuese në Kiev, Ukrainë.
Gjithashtu, raportohet se është shpallur në kërkim edhe shtetasi K. M., 35 vjeç, banues në Poloni.
Sipas bluve të qytetit bregdetar, pjesëtarët e këtij rrjeti trafikimi rekrutonin në vende të ndryshme të Europës, kryesisht shtetas nga Ukraina, duke i sjellë në Shqipëri, ku më pas u mbanin dokumentet e udhëtimit dhe i shfrytëzonin për të kryer veprimtari të kundërligjshme.
Personat e trafikuar detyroheshin përmes kërcënimeve dhe përdorimit të dhunës fizike dhe psikologjike, për t’u angazhuar në marketingun e rekrutimit të individëve të tjerë në vendet e Europës, duke përdorur platforma të ndryshme të rrjeteve sociale, me qëllimin për t’i shfrytëzuar më pas për veprimtari kriminale, si shpërndarja dhe trafikimi i lëndëve narkotike, që kryheshin gjithashtu në vendet europiane.
Policia e Vlorës bëri me dije se janë shoqëruar dhe 19 shtetas ukrainas, të moshës nga 18 deri në 26 vjeç, të cilët kanë qenë viktima të kësaj veprimtarie kriminale dhe janë kryer veprime procedurale me qëllim dokumentimin ligjor të kësaj veprimtarie kriminale.
Raportohet se gjatë operacionit janë sekuestruar 18 laptopë, 23 pasaporta udhëtimi, 4 karta ID dhe 23 aparate celularë, të cilat do t’i nënshtrohen ekzaminimeve të mëtejshme laboratorike në Institutin e Policisë Shkencore në Tiranë.
Ndërkohë, Policia e Shtetit, në bashkëpunim me agjencitë ligjzbatuese brenda dhe jashtë vendit, vijon punën për identifikimin e personave të tjerë të përfshirë dhe dokumentimin e plotë ligjor të këtij rasti.
Discussion about this post