Agjencia e Mbikëqyerjes Policore ka nisur hetimet për një grup kriminal që merret me shpërndarjen e lëndëve narkotike, në Tiranë dhe qytete të tjera të Shqipërisë.
Pak ditë më parë në pranga ra një anëtar i këtij grupi, shtetas sirian me shtetësi shqiptare.
Mësohet se APM ka dyshime të forta se ky person ka bashkëpunuar edhe me një efektiv policie, mes personave të tjerë.
Në hetim është vënë efektivi Herald Puçe. i cili punon në sektorin e antidrogës në Shkodër.
Njoftimi i policisë
Dyshohet se gjatë kohës që ai ushtronte detyrën në kryeqytet i ka dhënë automjetin e tij shtetasit sirian.
Agjencia e Mbikëqyrjes Policore (Rajoni Tiranë) ka arrestuar në flagrancë shtetasin Ë.H., 27 vjeç, si person i dyshuar për kryerjen e veprës penale “Prodhim dhe shitje e narkotikëve” e kryer në bashkëpunim, si edhe ka proceduar në gjendje të lirë punonjësin e policisë N/Komisar H.P., me detyrë Specialist në Seksionin kundër Narkotikëve në DVP Shkodër.
Procedimi penal në ngarkim të tyre ka nisur pasi në datë 15 janar, rreth orës 19:30, shtetasi Ë.H., me kombësi siriane e shtetësi shqiptare, me precedentë të mëparshëm kriminal, është konstatuar nga shërbimet e Komisariatit të Policisë Nr. 1 Tiranë duke qarkulluar me automjetin në pronësi të punonjësit të policisë H.P., e gjatë kontrollit personal iu gjet e sekuestrua në cilësinë e provës materiale një sasi lënde narkotike e dyshuar kokainë.
Vijojnë hetimet për identifikimin e personave të tjerë të përfshirë, si dhe rolin e punonjësit të policisë H.P.
Discussion about this post